Jamie Alexander Smith


Hullo an walcome. I’m a jazz pianae player an componer bidin in Edinburgh, Scotland.

My maist recent recordin, Kinesis EP, featurs fower lowse improvisations mellin thegither the straucht-aheid an the contemporar. Hae a listen nou at Bandcamp, Spotify or Apple Music.

“Skeely playin . . .” – Stephen Duffy, BBC Scotland Jazz House

Anent


I stertit playin the pianae an learnin aboot muisic whan I wis sax or seiven year auld, an sin syne I hae been in mony a ensemble, frae rock, jazz an funk groups tae brass bands an a orchestra or twa. Forby that, I mak electronic muisic unner the name o Outerattik.

In my youthheid I tyauved awa for a guid while playin classical pianae. Houiver, I niver richt taen til it, an afore lang it haed me scunnert. I haed kent aboot jazz an the American sang beuk for mony year — frae sheet muisic my parents haed in the hoose growin up — sae I stertit learnin mair aboot that, an improvisation in general. It turnt oot tae be a better ootlat for my creativity.

In 2014 I set furth my first solo pianae EP, the halely improvised Kinesis, an it wis weel received by reviewers. Sin syne, I hae been haudin forrit an wirkin on a pose o new tuins, an am ettlin tae record mair muisic suin.

Yours aye,

Jamie

Reviews


“The hermony an attack o the appenin track pit ye in mynd o Chick Corea, but Jamie Smith — wirkin oot o Edinburgh — raiks throu various styles in thir fower solo pianae improvisations, includin a plain ol’ blues. He niver fails tae play wi a compellin logic an sense o development, an the improviser’s trap o airtlessness is joukit. The muisic’s sae coherent it’s awmaist like the pieces wis redd aforehand. It’s a set a body coud happily revisit ony time withoot fear o gaw or gunk. Recommendit, an can be dounlaidit swith online.”

– Jazz Journal


“Modren, contemporar . . . a gey an listenable solo jazz pianae EP.”

– Bebop Spoken Here
Full review


“[Jamie haes] a nice sense o structur . . . ilka piece is ticht an the EP is niver wantin momentum. Kinesis gars me want tae hear mair.”

– Improvised
Full review

“His playin is gleg, an the’r a gey wheen ambitious runs in here, but the maist impressive pairt o this album is hou muckle the hale thing hauds thegither muisically frae stert tae feenish.”

– Nextbop
Full review

“Gin an octopus haed access til a real beuk, a random page nummer generator an a echt bar backwarts play rule, that wad be some feat, as is this.”

All About Jazz on Kinetic

Muisic


Stream Kinesis EP at Bandcamp or Spotify.

Contact


Email jamie AT jamiealexandersmith DOT com.